Greqia, investuesi më i madh në Shqipëri.

Ndonëse prej disa vitesh është në krizë, shteti fqinjë helen vijon të jetë investitori historik më i madh në Shqipëri.

Sipas statistikave të Bankës së Shqipërisë për stokun e Investimeve të Huaja Direkte, në vend të parë është Greqia, me kompanitë e së cilës kanë investuar në Shqipëri, kryesisht në telekomunikacione dhe banka.

Stoku i investimeve greke në Shqipëri në fund të vitit 2017 ishte 1.27 miliardë euro, ose gati 20% e totalit që janë investuar në Shqipëri nga të huajt pas viteve ’90 (në total stoku i investimeve të huaja është 6.54 miliardë euro).