Kryeministri Edi Rama ka folur për ngjarjen e Bularatit, si dhe për përplasjet e ndodhura ditën e sotme në varrimin e Kacifas, dhe thirrjet antishqiptare prej shtetasve grekë.
I ftuar mbrëmjen në “Real Story”, Rama tha se në Bularat “kishte reagime që më krijuan një pështjellim negativ, dhe mendoj se ajo që shihet si dobësi është forca dhe vlera e këtij vendi”.
Më tej kryeministri duke komentuar sjelljen e disa shtetasve grek që ishin të pranishëm në ceremoninë e varrimit të Kacifas tha se nëse shqiptarët do të shkonin të veshur kuq e zij në Greqi dhe të këndonin për Çamërinë do ishte ndezur flakë qeveria greke dhe të gjithë.
“Pashë që kishte reagime që më krijuan një pështjellim negativ, se unë mendoj se ajo që shihet si dobësi është forca dhe vlera e këtij vendi. Në nuk jemi vend ku luftohet me arkmorte dhe purogatorët e varrimeve.
Ajo që ndodhi në atë fshat është një gjë që nuk ndodh në asnjë vend tjetër. Ne kemi marrë masa në kufi, janë marrë masa për disa shtetas që kanë hyrë në mënyrë të paligjshme në kufirin e gjelbër, por nga ana tjetër i bëj ftesë të gjithëve që të refuzojmë shprehjen “na erdhi greku.
Ndihem mirë që në këto raste i përkas këtij vendi, se do ishte e paimagjinueshme që kjo të ndodhte invers, 1000 vetë të veshur kuq e zij, të shkonin në Greqi dhe të këndonin për Çamërinë… besoj se do ishte ndezur flakë qeveria greke dhe të gjithë.
Ndërsa këtu nuk ndodhi asgjë e tillë për këtë ngjarje sa të dhimbshme aq dhe qesharake. Kjo është vlerë për ne dhe shkon me traditën tonë, që shkon për shtat lotëve të familjarëve në këtë arkmort.
Unë besoj se ne kemi pasur një qasje shumë serioze edhe me palën greke, janë vrarë shqiptarë në Greqi dhe pala greke ka kërkuar një hetim të përbashkët, dhe ne kemi refuzuar sepse kemi bërë atë që është bërë në rastet e mëparshme.
Prokuroria ka reaguar për një proces ekspertize, dhe pas tyre do diskutohet, nëse do të diskutohet më për këtë çështje
Por unë di që as në Greqi as në Shqipëri dhe as Honolulu, një njeri që kërcënon me armë disa persona të paarmatosur, nuk tolerohet.
Nuk është ky populli grek, nuk është ky fshati i Bularatit, ky është një segment folklorik dhe i mjerë i politikës greke, dhe populli grek s’ka qenë dhe s’do jetë kurrë armiku jonë, në Greqi kanë gjetur strehë shqiptarët si dhe grekët në Shqipëri, por edhe aty si në çdo vend ka derra.
Ata erdhën dhe turpëruan flamurin e tyre dhe ikën e lanë pas një shije groteske dhe folklorike dhe përdhosën edhe viktimën.
Kjo ngjarje po shfrytëzohen në mënyrë të egër politikisht në Greqi, dhe Kacifas mund të jetë heroi i pjesës më barbare të politikës greke, por nuk është hero ai që merr armën dhe qëllon njerëz.
Këta që erdhën sot i përkasin një bote të huaj dhe nuk i përkasin botës shqiptare. Ne bëmë detyrën për aq sa duhej të bënim, minoriteti grek është i nderuar dhe i respektuar, qytetarë të pazëvendësueshëm të këtij kombi, dhe nuk janë “greku”- u shpreh kryeminsitri. (TemA)
Δεν υπάρχουν σχόλια:
Δημοσίευση σχολίου