Presidenti i Serbisë, Aleksandar Vuçiç sot në Beograd bisedoi me kryeministrat e Bullgarisë, Rumanisë dhe Greqisë, Bojko Borisov, Mihai Tudoze dhe Alexis Tsipras, rreth asaj se si Serbia më shpejtë të afrohet drejt Bashkimit Evropian (BE) por edhe në projektet e infrastrukturës në lidhje me gazin dhe hekurudhat, raporton Anadolu Agency (AA).
Kryeministri i Greqisë, Tsipras tha se BE-ja duhet të korrigjojë gabimin e madh ndaj Ballkanit.
“BE duhet të sa më shpejtë të korrigjojë gabimin e madh, i cili i ka rrënjët në mënyrat në të cilat Evropa është qasur ndaj Ballkanit deri më tani. Ishte e ditur se Ballkani është një rajon i rrezikshëm. Serbia nuk mund të jetë jashtë familjes evropiane më, me kusht që pjesa më e madhe e popullsisë dëshiron të jetë pjesë e BE-së”, tha Tsipras në konferencën e përbashkët për media në Beograd.
Ai pas takimit se kryesimi i Bullgarisë me BE-në jep një mundësi që katër vendet të promovojnë idetë e tyre të përbashkëta dhe kjo do të jetë një kryesim i përbashkët i Ballkanit.
“Dua të përshëndes propozimin e Bojko Borisovit për organizimin e mbledhjes së BE-së dhe vendeve të Ballkanit Perëndimor, i cili do të përcjellë mesazhin se Presidenca bullgare e BE-së do të jetë kryesimi i Ballkanit”, tha Tsipras.
Ai shtoi se paqja, stabiliteti dhe rritja ekonomike në Ballkan mund të arrihen vetëm duke respektuar të drejtën ndërkombëtare, ku Traktati i Lozanës do të ishte një “gurthemel” për Ballkanin.
Kryeministri bullgar Borisov u ka thënë sot zyrtarëve të BE-së se me Serbinë, Bullgarinë, Rumaninë dhe Greqinë, do të kenë një Ballkan të sigurtë i cili nuk do të bëjë probleme.
Vuçiç falënderoi kryeministrat e Bullgarisë, Greqisë dhe Rumanisë për mbështetjen e tyre ndaj Serbisë në rrugën evropiane.
“Kjo është e rëndësishme për të ardhmen e Serbisë, por gjithashtu stabilitetin, paqen e të gjithë rajonit të Ballkanit Perëndimor”, tha Vuçiç.
Presidenti i Serbisë dhe kryeministrat e Bullgarisë, Rumanisë dhe Greqisë diskutuan gjithashtu mbi projektet infrastrukturore që lidhen me tubacionet e gazit, hekurudhat dhe autostradat.
Vuçiç tha se Serbia dhe Bullgaria diskutuan lidhjen e gazit dhe se për pjesën që Serbia do të bëjë, janë siguruar 85 milionë euro, prej të cilave 49.1 milionë euro janë marrë nga grantet e BE-së.
Ai shtoi se është e rëndësishme për Serbinë edhe qëllimi i Bullgarisë të ndërtojë disa tubacione pranë brigjeve të Detit të Zi, nga ku Serbia do të merrte gaz nga “Rrjedha Turke” dhe nga Aleksandropolis, por gjithashtu edhe nga Rumania dhe vende të tjera.
Borisov tha se vitin e ardhshëm do të përfundojnë dy hekurudha Beograd-Sofje-Selanik, Beograd-Sofje-Burgas dhe Beograd-Sofje-Stamboll dhe se Bukureshti dhe Sofja duan të lidhen me autostrada më të mira.
“Autostrada jonë Stamboll-Sofje-Burgas, e cila është e re, tashmë është e ngushtë. Ne duhet ta zgjerojmë atë. Më shumë se 5.000 kamionë kalojnë kufirin turko-bullgar”, tha Borisov.
Δεν υπάρχουν σχόλια:
Δημοσίευση σχολίου